藝人拍拖要玩低調，即使俾人影到相，都要眼光光講大話死都唔認，但「游魚」同「屎塔」呢一對就輕鬆得多，因為佢兩個攞正牌拍拖，經常拍戲扮情侶，以戀聞做宣傳。殊不知，游魚同屎塔假戲真做，合作幾部戲後果真撻着，佢兩個喺之前嘅農曆新年，仲一齊外遊預支蜜月，返到香港再繼續日日見一齊工作。點解佢哋拍拖可以咁輕鬆？因為佢哋即使喺香港俾人影到單獨共處，傳媒登咗都未必有人信，多數以為佢哋係為電影宣傳，所以佢哋人前人後談心都冇有怕，唯一係一齊出埠，就小心啲，唔好俾狗仔隊跟蹤到，因為冇乜宣傳工作要兩個人單獨出埠做嘛。
Textby關仁