靚女影后「MayMay」同「布冧」雖然結咗婚好多年，但MayMay鍾意佢老公嘅程度，依然仲係好熾熱，簡直係到咗匪夷所思嘅地步。
由於布冧生得好靚仔，把口又識𠱁人，又有名氣，佢要冧女真係易如反掌啦，所以平日佢開工拍戲，總會俾老婆追魂call纏到實，以防佢作反。
拍戲帶隨身爗
輪到MayMay拍戲嘅話，布冧幾忙都要唧啲時間去探班，不過，萬一布冧忙到嚟唔到，MayMay都仲有一招解相思。原來佢好鍾意拎埋布冧嘅衣物去拍戲，每當拍戲等埋位，佢會攞布冧件衫嚟做披肩，有時仲會攬住件衫嚟瞓覺，咁樣可以聞到老公陣除，以紓解佢嘅思夫之苦喎！有妻癡情至此，全天候追蹤，都唔知布冧係好彩抑或唔好彩呢？
Textby關仁
