07年機車界本來悶爆，到08年谷底反彈，各國品牌如日本的Kawasaki、Honda等，均陸續催谷旗下勁車。當然唔止得㗎仔新車威晒，歐洲其他品牌亦毫不執輸；3月13日意大利的綿羊大哥Piaggio，就為其品牌作出全新車款晒冷發佈會，由香港力榮接任總代理，更特別邀請名模CaraG.作嘉賓到場力撐，更勁係連意大利駐港總領事都到場講番幾句，可想而知Piaggio地位幾高。
意大利的Piaggio可算是綿羊車的大哥大，由開始至今已超過60年歷史的生產經驗，實力在何等級別不用多說，而近年在香港綿羊的普及正反映市場上的需求是何等之大，日製綿羊佔有率越嚟越高，歐洲牌子點都要做多啲嘢，力保綿羊一哥嘅地位。
文：周致中
攝：譚盈傑