呢個年頭，政黨都要學商場咁大搞抽獎吸客。為鼓勵年輕新生代登記做選民，等佢哋喺年底立法會選舉發揮重要作用，立法會泛民主派特別搞咗個針對年輕人嘅「新生代選民大贏家」抽獎活動，大送電腦同iPod。
凡18至30歲未登記做選民嘅年輕人，只要即日起至5月16號期間登記做選民，並且再邀請多兩位未登記嘅親友喺呢段時間登記，然後將填妥嘅選民登記表副本寄去民主黨，就可以參加抽獎。
今次嘅獎品都幾潮，頭獎係一部價值2,850蚊嘅手提電腦、二獎三名就各得8GB嘅iPodnano一部、三獎五名，各得NDS一部。鍾意攞着數嘅年輕人，不妨去 http://www.2012us.com睇睇詳情。