陳曉東、江若琳、王菀之、吳雨霏（Kary）和楊愛瑾等，前晚在會展出席「音樂偶像潮流大接觸」，江若琳演出後走近觀眾席，與fans合照，表現親切。
東東表示會成立工作室，稍後推出不少產品，問到可會邀請忙於在家打機的舊愛張栢芝幫手設計？東東說：「唔提啦，唔使再問。我當佢係朋友，不過好耐冇聯絡，我都未見過佢個BB。」
抱恙的王菀之為免掃歌迷興，故堅持唱現場，她生病可是因與緋聞男友張敬軒接吻而交叉感染？她說：「佢勁好多，佢喉嚨都爛晒。」有指軒仔邀請一名女歌手做演唱會嘉賓，但對方卻擺款，王菀之說：「嗰個一定唔係我，做佢嘉賓犧牲好大，冇得默默支持佢。」
Kary升Cup
至於近日外遊回來的Kary胖了不少，她笑言：「我全身升cup。」對於好友、邢嘉倩男友潘世亨藏毒罪成，被判罰款，Kary說：「佢做錯咗事都受罰，大家唔好再畀壓力佢啦。」
採訪、攝影：李珮洳
