是否每個辦公室內總有一個扮嬌俏的「熟女」同事？「carla_ju」問：「我好頂唔順我一個女同事成日扮細路聲講嘢……扮細路聲唔緊要，她仲要做埋呢啲手勢（雙手手指胸前一面互篤一面說話），她都就嚟30歲。點解仲要咁樣？」
網友痛苦想嘔
討伐之聲空群而出：「毛管戙」、「惡頂」、「叫佢彈開」、「同阿GILL一樣又儍又天真」、「有爆粗嘅感覺」、「簡直係影響市容」。
事件又勾起網友的痛苦經歷，「有個大秘書，佢成40幾歲，有兩個仔，同佢講親嘢都會扮BB聲，好想嘔」、「人哋喺度講緊上次嗰單淫照嘅嘢，佢又要行埋嚟聽，聽咗陣又話：我好暈，求吓你哋唔好講，但係又唔肯走開喎。」
最抵死的是「WongFat」：「我公司有個25歲、把聲得15、個腦得5歲、日日做錯嘢，聲大夾無準，男人就發電，女人就發惡，有次打電話畀佢冇聽，佢個留言竟然係3歲小妹妹聲咁講：『我𠵱家唔得閒，你留低口訊啦』，嚇到我差啲丟咗個電話落地。」
http://www23.discuss.com.hk/viewthread.php?tid=6706658