戴夢夢日前幫TVB8拍攝特輯，炮製復活蛋嗰陣，突然自爆佢04年左右曾經暗戀一個圈中人。當時戴夢夢仲主動出擊，親自炮製愛心復活蛋畀男方發冧功，點知呢個時候戴夢夢先發現原來個男仔已經有女朋友，唉！今次真係神女有心襄王無夢。問戴夢夢會唔會因此見過鬼怕黑？佢就話：「圈內人定圈外人都唔係重點，最緊要係性格配合同夠體貼。」