國際七人欖球賽下周五起一連三日展開，無綫會直播賽事，昨日在九龍灣EMAX進行宣傳，邀請了鄧上文、李思欣、周家蔚、陳爽等為賽事宣傳，現場與小朋友示範簡單傳球，鄧上文近日不時為有關體育項目宣傳，她說：「可能我比較陽光感覺，而且我真係識打欖球，自己都連續睇咗8年，今年都會去睇。」鄧上文又希望公司委派她參與有關北京奧運工作，是她目前的最大期望。
陳爽學廣東話
陳爽自成為無綫旗下經理人合約藝員後，頻頻出席宣傳，儼如宣傳大使身份，不過她在台上說話時口齒依然不清，昨日在台上還有口窒窒情況，她解釋說：「因為第一次出活動時啲人聽唔清楚我講嘢，後來要用國語再講一次，我𠵱家都上堂學緊廣東話，老師係陳法拉介紹，希望可以講得似佢咁好。」
採訪、攝影：卓寶花