導演馬偉豪前日迎娶靚靚空姐陳慧茵，晚上筵開45席，大宴親朋之外，不少圈中好友也紛紛到賀。數到最搞笑必定是許冠文，他明寸陳冠希，以影床照為題大講棟篤笑，為婚宴加添歡樂氣氛。
馬偉豪與陳慧茵前晚在洲際酒店設下喜宴，到賀的圈中人有陳曉東、應釆兒、許冠文夫婦、黃子華、張達明、狄龍夫婦、薛凱琪與舅父、梁詠琪、余文樂及黃伊汶等。
新郎馬偉豪說：「早上接新娘儀式，過程好順利，畀咗幾多開門利是就唔好講，我都送咗自己畀太太，同埋都有送隻鑽戒，好完美同好靚㗎，因為要拍戲冇得放假，好彩太太都好體諒。」問到對太太愛的宣言？他笑說：「我成個人咪係終身承諾囉!」
送上99支玫瑰花
身為戥穿石的周麗淇表示：「我好唔稱職呀，因為朝早我有嘢做去唔到接新娘，而夜晚飲宴我又唔頂得酒，玩遊戲都唔係好掂，連新娘子拋花球都唔知接唔接得好，真係好尷尬!」喜宴之上新郎與戥穿石在台上大跳艷舞娛賓，逗得台下新娘子捧腹大笑之餘，大會更安排賓客向新娘子合共送上99支玫瑰花，一對新人亦在徇眾要求下親嘴拍照，現場氣氛一片歡樂。
席間許冠文在台上搞棟篤笑，攞陳冠希來開玩笑，他笑說：「你哋（指一對新人）唔好影床照同影錄影帶，影咗都唔好放喺電腦，即使個電腦壞咗都千祈唔好拎去整喎!」
樂仔、伊汶前後腳到
此外，正與陳小春沐浴在愛河之中的應采兒，以超低胸性感打扮亮相，明艷誘人。她看見記者便情不自禁的大叫：「好嘢，馬英九贏咗，我哋好開心呀!」至於緋聞男女黃伊汶及余文樂兩人前後腳出現，樂仔影相之後沒有接受記者訪問便急步入場，而不到一分鐘黃伊汶便出現，記者問及他們為何前後腳出現?她說︰「冇呀，個個都係咁行入嚟，我冇同佢約埋㗎!」而薛凱琪笑言實際一點，所以送現金做禮；梁詠琪則大讚馬偉豪會是個好丈夫及好爸爸。
採訪:魯萍 攝影:仇志德
