電影《我的最愛》前晚在黃埔漁人碼頭舉行慶功宴，由黃柏高及導演葉念琛等帶領下，三小花鄧麗欣（Stephy）、楊愛瑾（Miki）和曾愷玹也有出席，惟獨男主角方力申因另有工作而缺席。
Stephy表示該片上映8天，已有約650萬票房，有此好成績覺得很理想，不過卻加添了壓力，令她心情緊張，她說：「之前有咁多負面新聞，𠵱家終於撥開雲霧見青天。」
問Stephy與傅穎（Theresa）早前在IFPI頒獎禮上完全沒有交流，有指她們不和升級，Stephy說：「咁啱大家嘅企位隔住有其他人，咁我冇理由跨過鄭秀文同佢傾偈，大家唔好咁敏感。」
至於Miki與曾愷玹性感赴會，身穿tubedress的Miki則渾身不自在，經常用手扯高裙子胸口位，她說：「因為件衫lowcut位好緊，着得唔係好舒服。」
Miki怕有反應
Miki在戲中與胡清藍有大膽演出，她說：「拍過今次相信下次再拍都唔會驚，即使再激都唔怕，不過如果同女仔拍親熱戲會好啲，因為冇咁尷尬。」問Miki是否怕男對手有反應？她笑說：「係怕自己有反應，同男仔拍始終冇咁放。」
採訪：魯萍 攝影：林德雄