港府被北京責成加強《基本法》教育，煲呔即刻做嘢，今年9月起投考公務員要測試《基本法》知識。當局噚日公開模擬試題，測試按入職條件分為三等，中五以下程度只需考口試，高中或學位以下程度同學位或以上程度，就要考選擇題。口試最淺，大學程度就有啲難度，八方問過法律界人士同議員，唔係個個全中。
民主黨新丁最叻
公民黨新星陳淑莊（Tanya）係大律師，八方搵佢試答「學位/專業程度」模擬試題，五題中佢答啱三題，錯咗第一同第三題；工聯會議員鄺志堅都係大律師，佢又係答啱三題，第三題同第四題失手；年僅23歲嘅民主黨區議員趙家賢五題全中，叻過兩個大狀。
Tanya話身為大律師都錯兩題，認真醜死怪，鄺志堅亦指試題有難度，「如果唔係睇過成本《基本法》，隨時唔識答。」趙家賢過關，原來佢真係熟讀全本《基本法》，「我讀公共行政，要睇《基本法》做功課，幾熟悉內容㗎。」
民主黨新丁熟悉《基本法》程度勝過大狀同愛國愛港人士，八方建議政府資助民主黨大搞愛國補習班，由馬丁擔任榮譽導師，隨便釋法或者唔尊重法治者要硬性參加，亦可請國內「護法」來港，做反面教材。模擬試題網頁： http://www.csb.gov.hk/cindex.html
基本法測試參考題目
（學位/專業程度職系）
例題1︰香港特別行政區境內的土地和自然資源是屬於＿＿所有。
A 中華人民共和國
B 香港特別行政區政府
C 中華人民共和國和香港特別行政區
D 中華人民共和國和英國
例題2︰以下哪項權利和自由不是《基本法》規定香港居民所享有的？
A 在法律面前一律平等
B 人身自由不受侵犯
C 和平發展的權利
D 信仰的自由
例題3︰香港特別行政區的主要官員由在香港通常居住連續滿＿＿年並在外國無居留權的香港特別行政區永久性居民中的中國公民擔 。
A 20
B 15
C 12
D 10
例題4︰根據《基本法》第七十一條，擔 香港特別行政區立法會主席的人士必須符合以下哪一項條件？
A 年滿四十周歲
B 在香港通常居住連續滿二十年
C 是在外國無居留權的香港特別行政區永久性居民中的中國公民
D 以上各項均是
例題5︰香港特別行政區最高級的法庭是哪一個法庭？
A 香港特別行政區上訴法庭
B 香港特別行政區終審法院
C 中華人民共和國最高人民法院
D 中華人民共和國全國人民代表大會常務委員會
資料來源：公務員事務局
答案：1A,2C,3B,4D,5B