關楚耀（左）同李卓庭（右）噚日喺旺角中心宣傳《KEROKERO軍曹大電影2決戰水著兵團》禮品換領站，關楚耀今日25歲生日，大會安排緋聞女友之一嘅李卓庭同佢一齊捧蛋糕預祝生日。關楚耀話暫時未收到緋聞女友衞詩祝賀，不過日前已經同朋友慶祝生日，關楚耀仲話：「之前炒股變咗長毛蟹，所以都叫朋友送禮物不如畀利是，願望係日日有工開。」