將軍澳新盤首都熱賣，各大發展商趁勢喺復活節長假推售貨尾，當中包括新地嘅上水皇府山、土瓜灣農圃道18號、紅磡海濱南岸；恒地嘅大埔比華利山別墅、長沙灣星匯居；爪哇嘅黃大仙滙豪山；泛海嘅鯉灣天下等。當中以新地嘅皇府山最積極，聯同代理送足金金蛋畀買家之外，仲推出彈性付款安排。恒地都唔弱，以長達330日特長成交期吸客，重推大埔比華利山別墅。
貨尾盤積極搶客，各大商場一樣推出多項活動吸引人流。當中以信和嘅小西灣藍灣廣場活動最多，單係今日就有幾樣活動啱晒一家大細參加，其中「魔幻轉轉遊樂世界」裏面，有各式經典嘅機動遊戲，包括一座高10呎嘅摩天輪，佢係現時全球最大嘅新加坡摩天觀景輪嘅微型縮影版，全天候不停轉動，加上閃爍繽紛嘅燈光，絕對係影相同玩樂嘅最佳位置。
