田亮舊年11月同超女葉一茜結婚，當時有傳新娘子大咗肚，但田亮就矢口否認，直至近日葉一茜大住個肚同田亮幫內地一本雜誌影封面，佢哋先至直認有BB。田亮話雖然父母好想佢生仔，但自己覺得生女都唔錯，因為佢鍾意女仔嘅文靜同美麗。而葉一茜就話近日同田亮開始睇一啲關於BB嘅書本，同埋諗緊去邊間醫院生BB。