劉華德與MaggieQ主演的新片《三國之見龍卸甲》已展開宣傳活動，但女主角卻為了避開尷尬場面而缺席香港區的宣傳，變相要華仔獨撐大局，華仔雖說體諒藝人及經理人公司的決定，不過他又說：「當然我係老闆嘅話會覺得佢（MaggieQ）唔啱啦！」擺明指MaggieQ選擇性出席宣傳的做法不當。
劉德華與安志杰昨日在青衣城出席「三國之見龍卸甲──劉德華以武會友群英會」活動，女主角MaggieQ選擇性為電影做宣傳，據聞她因為避談陳冠希的疑似女藝人淫照事件，拒絕來港宣傳，留下華仔獨力支撐大局，華仔對此表示諒解，並尊重MaggieQ的決定，華仔說：「少咗佢係少咁啲嘢，因為佢嘅戲份喺戲中係重要元素，我諗佢哋有自己工作安排，應該尊重藝人同經理人公司決定。」
8月撲飛睇奧運
對於有人質疑MaggieQ選擇地區性的宣傳做法不恰當，華仔說：「冇話啱唔啱嘅，當然我係老闆嘅話會覺得佢唔啱啦！如果我係藝人身份，或者佢哋經理人公司唔想面對尷尬場面，都係出於保護。」問華仔會否憂慮因此減低票房收入？華仔說：「冇法啦！我哋唔會簽合約講喺邊一個地方做宣傳，投資者同老闆就要面對呢啲困難。」
MaggieQ拒來港宣傳是否需要向電影公司賠償？驕陽宣傳部發言人戚先生回應說：「唔需要，個演員個期配合唔到都冇辦法，我哋收到MaggieQ嘅email，話佢喺美國嘅山上拍緊戲，暫時落唔到山，所以唔能夠嚟香港做宣傳。」
華仔身為「2008北京殘奧愛心大使」，有傳他被內定為唱奧運主題曲的香港歌手，華仔說：「我係幫內地推廣殘奧，未收到任何消息叫我唱主題曲，暫時定咗只係會參加倒數100日活動，8月我會去睇奧運，𠵱家都只係有開幕同半準決賽跨欄嘅飛，有冇人可以幫我撲飛？我想睇跳水、羽毛球同排球比賽。」問華仔會否叫劉翔撲飛？華仔笑說：「佢睬我都儍啦！」
玩遊戲連番中箭
華仔昨日在活動上與現場觀眾玩遊戲，其中有位男觀眾射箭，卻誤射中華仔腹部，男觀眾再射時中界，華仔指中界當冇分，結果他再射又射中華仔腹部，華仔大笑說：「你報復呀！」
採訪：魯萍
攝影：林德雄
法國叉電Andox隨身
劉德華去年底於紅館跨年舉行一連16場的「劉德華WonderfulWorld2007」演唱會，更以高難度的電擊轟頂為個唱揭開序幕，事後表示會休息9個月。日前華仔就在網誌上貼出外遊照片，原來他早前到法國旅遊叉電，更登上雪山滑雪，玩個不亦樂乎。今次華仔度假之餘，也不忘貼身帶着Andox及黑仔，更為他們拍下不少照片，又搞笑地把Andox放到女性內衣架前，相當鬼馬。
