郭羨妮、傅明憲昨日在奧海城出席野生動物王國開幕禮,司儀蔡康年介紹郭羨妮時,她誤以為叫上台,行了一半發現後,才尷尬返轉頭。提到之前有傳她戀情告急,郭羨妮即說:「我都冇戀情,不過𠵱家心情好咗,所以肥番啲。」
避忌男性朋友
傅明憲遲了20分鐘才到場,她之前被影到與莊氏集團太子爺莊家彬約會,被指在豪宅短敍,傅明憲說:「我回應咗,係主動回應,𠵱家唔再係沉默是金,我會主動講番件事,佢係我朋友,我都需要朋友,我𠵱家學習點樣融入社會,我都有自己社交圈同朋友。」問她會否多加避忌?傅明憲說:「有啲情況,同啲男性朋友會有避忌,但不會影響到我自己嘅社交圈。」她又表示不認識莊家彬父親莊紹綏,問到她會否主動出擊戀情?傅明憲說:「無考慮新嘅戀情,𠵱家未係適合時間。」
採訪:顏英儀
攝影:葉君海