有保險業人士指出，自駕遊旅客在租車前應清楚查詢汽車保險的賠償細節，並要預先檢查汽車的煞車及照明系統等基本性能，否則出事後保險公司未必作出賠償。
世運保險顧問主席羅少雄表示，所有租車公司均會為汽車購買第三者保險，但旅客在租車前應先查詢了解租車的保險細節，包括財物及意外傷亡賠償上限，汽車的保險墊底費，以及駕駛責任等。
香港賠償上限1億
「每個地區情況不同，以香港為例，凡涉傷亡，賠償上限係1億元，財物上限係200萬元，但要睇埋保險墊底費同埋係邊個揸車，如果意外係由你所揸嘅車引起，咁賠償當然唔同。」羅稱，保險墊底費越高，索償一方所獲的保險賠償額相對越少。
他提醒自駕遊人士在租車時，應預先檢查汽車機件性能，包括汽車煞車系統、照明系統及車胎等基本測試，這是一般駕駛者的責任，確保汽車安全，「保險公司有條款訂明，只會保障結構良好及保養良好嘅汽車，如果你冇預先檢查清楚，保險公司未必會賠畀你，因為你冇盡駕駛者嘅責任。」
本報記者