蘋果iPhone風靡全球，可惜香港至今仍未有行貨。近日網上流傳一幅疑似iPhone廣告原稿，盛傳電訊商數碼通已取得iPhone獨家代理權，言之鑿鑿指iPhone將會登陸數碼通，令不少蘋果迷引頸以待。
八方睇過呢張疑似廣告原稿照片，入面有數碼通商標，仲有個好似一個倒轉「逗號」嘅符號，驟眼睇以為有人準備賣廣告推銷iPhone都唔奇。數碼通發言人卻指，呢個speechmark已經冇用好多年，所以一睇張相就知係假嘢，佢又澄清數碼通從未與蘋果電腦接洽，暫時亦冇任何合作計劃，發出上述疑似廣告照片嘅人可能侵犯該公司商標，會保留追究權利。iPhone功能強勁、外形新穎，一直係手機迷同蘋果迷目標，𠵱家冇行貨焗住買水貨，如果有香港電訊商真係同蘋果合作，相信消費者好高興。