張敬軒昨日原定3時抵達九龍灣國際展貿中心為新城知訊台有份主辦的「新城唱好極品好男聲音樂會」練歌，豈料張敬軒竟在3時45分才現身，抵達現場又稱不知有記者在場，並與新城公關提出：「唔知有記者、冇化妝，唔知你哋點溝通！」場面一度尷尬。
「唔食呢隻死貓」
其後張敬軒堅稱不知有記者在場等候，問到他會否擔心被指扮大牌，他說：「公司溝通出現問題，我唔食得呢隻死貓，同事話我知嚟拍花絮，要大家等唔好意思，但責任都要搞清楚，本身所知呢邊綵排時間係彈性啲，真係唔知有記者，我會再了解吓件事先。」緋聞女友王菀之患病，問到張敬軒是否早前將感冒傳染給她，張敬軒即說：「我知佢病咗，但我哋身邊幾個朋友都病，我喉嚨細菌感染都未好番！」
採訪、攝影：卓寶花