今年立法會選舉九龍西由四席增至五席，各黨派都覬覦呢個位，現有四名議員要力保不失都幾吃力。近年十分低調嘅劉千石被視為勢危分子，江湖傳聞石哥最近有異動，讓「位」畀單仲偕。
白鴿黨涂謹申同單仲偕分拆兩張名單出選西九已成定局，石哥應該未決定去留，唔係真係讓出西九個位畀單仲偕，只係借出部份掛街板位置啫。按規定每位立法會議員有250個掛街板位，單仲偕屬功能組別議員，250個位分佈全港，要集中火力喺西九掛板，惟有情商老友讓位。
據知單仲偕已分別喺紅磡同深水埗租咗兩個單位做據點，又開始招兵買馬，人腳齊備就可正式啓動競選工程。