呢排唔只個股市日日同我哋玩大上大落，就連港元兌其他外幣嘅滙價都喺度玩過山車，仲係衝落山㖭。就連啲汽車代理都俾呢個情況搞到陀陀擰，始終港元係咁跌，即係同廠攞車嚟賣嘅成本又高咗，只有加價，先可以彌補到呢個差額。好似Toyota代理咁吖，佢哋最近都宣佈咗喺呢個復活節假期完結之後，會將旗下車款嘅售價調高，但暫時都仲未知道調整嘅幅度有幾高。另外，佢哋早前推出嘅「1免3減優惠」，即係嗰個30日免息免供、$100特低首期、年利率3.75%同保費五折勁減嘅優惠會繼續生效。如果你唔想畀多啲錢買車嘅話，咁就要快手趁呢個長假期，走去佢哋嘅Showroom睇車訂車啦！
記者：鄭達基