做咗人老竇後睇少咗電影，亦稱唔上係劉華fans，但佢飾演趙雲齣電影應該會入場捧場。講到三國故事，就算非蜀國躉都一定唔會對趙子龍反感，正如曹操都愛才而不忍殺之。單騎救主一幕，曹洪問「軍中戰將可留姓名」，被圍攻緊嘅趙子龍應聲曰「吾乃常山趙子龍」，型爆！呢個角色簡直為鍾意扮英雄嘅華哥度身訂做。
講到球壇，上一代都有個戰意高昂、型爆嘅「球壇趙子龍」曉士，唔怪得連費格遜都話曉士係佢「願意一生都倚重嘅愛將」。曉士執教布力般，將士用命，淨係計隊波今季有好多場完場前入波反勝或平反敗局，而輸完波後翌仗常有佳作，已知幾有heart！係，韋根要護級都有heart，但實力差一皮，難免成「趙子龍」青釭劍下嘅亡魂。
主客和：布力般流浪勝
心得：客串貼中西盃，唔爭在英超
近5場往績：輸贏輸贏輸
藍鑽石
忙於為與簡拿華路同日生的囡囡換片、掃風，但睇意甲，一場都不能少。