今集3大問題
1.誰會贏得神射手？
2.你看好那隊贏英超冠軍？
3.BigFour那隊最後會四大皆空？
周日英超將上演4強大戰，由曼聯對利物浦、及車路士對阿仙奴；頭場「雙紅戰」不但關乎榜首地位，更是兩大射手基斯坦奴朗拿度（C朗）及費蘭度托利斯（F托）之爭！今集〈拉闊足球場〉就實行公投，看看讀者心水會否與你一樣。
戰鬥員A心水推介
星期日15曼聯1:0利物浦（5.5倍）
星期日20車路士1:1阿仙奴（6.25倍）
星期日29皇家馬德里2:0華倫西亞（8倍）
Andy點睇
Andy係車路士fans，亦撐愛隊可以在這場倫敦打吡贏阿仙奴；至於雙「紅」大戰，Andy分析對賽往績後，始終覺得曼聯較好。因兩隊防守分列英超1、2位，所以估個細波膽1:0。
神射手方面，Andy指C朗非常獨食，唔似得F托比較鍾意助攻；而且C朗取分本錢又多，就算自己好憎呢個球員，都唔可以抹煞佢勝出呢項個人榮譽的機會。
金句：雲格帶隊一流，可惜隊波冇錢，限米煮限飯，輸都冇得講。
答案：1.C朗 2.曼聯 3.車路士
Andy貼士
星期日15曼聯1:0利物浦（5.5倍）
星期日20車路士1:0阿仙奴（6倍）
星期日29皇家馬德里2:1華倫西亞（7.5倍）
Tommy點睇
一向捧開車路士及阿仙奴的Tommy，認為阿仙奴球員個人質素較佳，有力後上捧盃；至於車路士，Tommy指現時的領隊格蘭冇料到，根本食唔住班球星，加上泰利越踢越沉，後防竟然可以1場失4球，今季肯定四大皆空。
Tommy話就算幾唔鍾意曼聯都好，平心而論C朗始終較全面，而且有罰球同死球呢兩瓣，應該可以贏到神射手。
金句：車仔head住5分都贏唔到（聯賽）啦！何況落後5分！
答案：1.C朗 2.阿仙奴 3.車路士
Tommy貼士
星期日15曼聯2:2利物浦（15倍）
星期日20車路士3:3阿仙奴（70倍）
星期日29皇家馬德里3:1華倫西亞（10倍）
Marco點睇
以數據分析比賽的Marco，對「雙紅大戰」的意見是「細」；因兩軍防守極穩，所以看好紅魔小勝1:0。
有讀者指紅軍比曼聯多唞數日，體力上有優勢；Marco就冷笑反駁，曼聯上場贏保頓極其輕鬆，根本是以戰養戰；反觀紅軍近期後防間唔中會失大意波，今場僅敗合理。Marco最後補充，C朗已帶先4球，幾乎贏半條街，神射手都係佢囊中物。
金句：假如瞓多幾日就贏波嘅話，咁不如唞一個月先去比賽！
答案：1.C朗 2.曼聯 3.阿仙奴及車路士
Marco貼士
星期日15曼聯1:0利物浦 （5.5倍）
星期日20車路士0:0阿仙奴（8倍）
星期日29皇家馬德里2:0華倫西亞（8倍）
阿樂點睇
阿樂是死硬曼聯躉，所以估紅魔贏3:1，不過之後補充，其實和波對雙方都是好事。見到利記最近咁fit，阿樂都好擔心；尤其是前一場曼聯對打比郡時，後防踢到慌失失，今次面對大勇的F托利斯，肯定會失波。
阿樂捧曼聯，當然撐愛將C朗可以贏神射手，理據就是C朗的個人突破能力更勝F托利斯，取分把握更大。
金句：就算曼聯贏唔到歐聯，都希望其他英超球隊可以捧盃。
答案：1.C朗 2.曼聯 3.阿仙奴
阿樂貼士
星期日15曼聯3:1利物浦（15倍）
星期日20車路士1:1阿仙奴（6.25倍）
星期日29皇家馬德里2:0華倫西亞（8倍）
送你車仔頸巾及貼紙
下集以webcam打入嘅讀者，除咗會由我哋幫你買3串7波膽，講得最好嘅讀者，更加會得到車仔頸巾及貼紙；獎品咁豐富，仲唔即刻上網登記？
〈拉闊足球場〉下次舉行日期：27/03
想參加？即上
http://soccer.atnextcom/jp/soccer
節目重溫： http://sport.appledaily.com
