拉闊生活：10日店插旗　洗地踎格

被冠上舊區之名的西環，多被人認為只有地踎小店，sorry！那應是十多年前的形象，自從多座私人屋苑落成後，唔少外國人居於此地，令此區變得越來越潮。單是卑路乍街附近，便可找到多間日本料理店，唔少區外人都驅車到此搵食，形成一條日本料理街！

記者：區佩嫦
攝影：王文忠、譚盈傑
Model：Shanna（TheStageModel）

1.獨創十人十色壽司

開業半年的「十人十色」，面積達4,000平方呎，店內有特長30米壽司吧，可坐約60人。餐廳走大眾化路線，有迴轉壽司、和食、鍋物……還有家庭式套餐。「餐廳提供深海池魚、吞拿魚腩、左口魚邊及A5和牛等，每件A5和牛壽司只售$35。我哋亦按季節提供時令海鮮，如𩶘魚、生蠔等，想食要預早order。」具20多年經驗的主廚JaffyShek更透露，來到十人十色必要試食招牌菜黑豚肉千層豬扒，以十多片五花腩層層叠成漢堡扒，沾麵包糠炸香；還有獨創的十人十色壽司，當中有綴以山葵漬的翡翠蝦、配梅醬的池魚壽司等。

■Jaffy主理一品料理、鐵板及壽司等。

十人十色壽司$98

有三文魚子、翡翠蝦、池魚、鮑魚片、螺肉等。

神魚卷$108

天婦羅蝦卷上放三文魚、海膽、吞拿魚、芥末蟹子、𩶘魚等。

黑豚肉千層豬扒$48

沾上麵包糠炸香的五花腩漢堡扒，美味可口。

吟釀煮大蜆$42

吟釀即清酒，可將大蜆的鮮甜襯托得更明顯。

店內特設榻榻米包廂，可容納12人。

1.十人十色

（25678678）
地址：卑路乍街18號地下D舖

2.偏僻小巷食串燒

開業三年的「嵐川」，屬堅尼地城唯一的串燒店，位處偏僻小巷，店內只有20多個座位，主要做熟客生意。老闆陳生說：「西環交通方便，中午吸引中環上班族，晚上就有唔少半山、薄扶林居民揸車嚟食嘢。」全店提供數十款串燒，多為鹽燒，而用的海鹽會以攪拌機打爛後再用篩隔去粗粒，令海鹽更幼滑、更香。這兒的牛脷、豬頸肉超級juicy，亦有蝦仔串、墨魚肉串等選擇，想食海鮮要預早order。

■開放式廚房內放着日本製的串燒電爐，一次過可燒40多串。

（左起）大葱豬頸肉$20、牛脷$18、墨魚肉串$38、蝦仔串$40、茄子豬肉卷$18

燒馬友魚$120

馬友魚燒香後撒鹽，魚皮起脆。

梅乃宿$120/壺

分溫飲及凍飲兩款，配串燒最正！

果凍$35

以蘋果汁、雪梨汁及大菜煮成，加入生果粒雪凍。

2.嵐川日本串燒

（28177885）
地址：厚和街28號順昌大廈地下G舖

3.人龍長店

西環的日本餐廳選擇絕對唔少，但開業已有一年的「三上」，直到今時今日，每晚七時仍例必有大堆人在門口排長龍等位。三上主打迴轉壽司及日本料理，以大眾化價錢吸引街坊幫襯，菜式選擇多又實惠，壽司一客最平$10，仲唔會將貨就價，所以唔少人都愛到此處醫肚！

三上盛$588

有拖羅、和牛、牡丹蝦、劍魚腩、油甘魚、海膽等10款刺身，全為一級貨。

3.三上日本料理

（28167722）
地址：卑路乍街26號A及B舖

4.車房街有蠔吧

加多近街是車房、貨倉集中地，當中有間通花石磚外牆的日本料理店「濤」，算是西環首間日本餐廳。「作為日本料理店，新鮮刺身是基本要求，我們還有蠔吧，搜羅南非、美國、法國等地生蠔。」負責人Bonnie說，濤的熟客有唔少居於數碼港、半山、摩星嶺等地。雖然客路穩定，但餐廳時常搞新意思，如4月提供櫻花菜，餐廳佈滿櫻花裝飾；新年則設新年menu，務求令食客有新鮮感。