〈體育版〉嘅流感潮由源頭青蛙仔散播開去，首先中招嘅係畢傑，跟住到賴恩，而我亦不能倖免，起初係發燒同周身骨痛，跟住到鼻塞同埋咳，食藥食到口都淡埋，最慘係瞓唔到，冇足夠嘅休息，感冒點都唔斷尾。唔知係咪𠵱家嘅感冒菌特別惡過人，幾名病好嘅戰友都話𠵱家傷風感冒特別辛苦過人，絕對冇「傷風最幸福，猶如床上假期」呢支歌仔咁唱。
好明顯呢排個勢弱，貼波亦唔得心應手，今期一於搵自己支愛隊海倫芬做水泡，希望佢哋可以一舉擊敗洛達，等我打破4連輸嘅悶局。
主客和：海倫芬勝
心得：態沉搵愛隊做水泡
近5場往績：輸輸輸輸贏
吾中
買嘢講名牌，但賭波一定唔會做名牌奴隸嘅大聯盟女神。