上周中正昆士柏流浪單W，可惜其餘過關盡斷，總計要少負，今次繼續用主打英冠作重心，分兩注出擊，單W捧有誠意護級的諾域治，另一注博英冠「1哥」史篤城輕取黑池。
剛借得荷蘭新星解困
復活節好戲連場，不過彈藥有限，波友要小心運用注碼；小弟好喜歡晨早起身睇NBA，成日聽嗰位好出名，自己好佩服嘅評述員講，「嗰位球員熱辣辣，嗰籃框𠵱家對佢好似海咁大！」去形容一位球員當信心處於高點時，得心應手。
不過自己近排心情及手風麻麻，所以注碼更要縮減，多博過關加大回報。好似今次，重心英冠一隊為榜首一隊為護級，先講諾域治，自從獲來頭不小，教過韋斯咸及紐記的羅達上任救亡後，一度攀回中游；但近期陷入球荒，近5戰1和4負僅入兩球，排名跌回18位，不容再次沉淪，球會剛借得荷蘭U21猛將、去年夏天加盟布力般後不獲重用的歷達斯，與古尼頓、謝雲伊雲斯及亨格比等攻堅，咁有誠意，兼今次主場迎戰「降班膽」高車士打，莊家壓低賠率至1.75倍可捧。另一注，史篤城走勢堅挺，一如估計已順利上榜首，雖大3主將停賽，但兵厚迎無所事事的黑池亦勝望壓一，兩場英冠重心出擊。
Big4「大」戰超筍
另一注博「入球大」，狼隊鬥昆士柏流浪，兩隊鋒強守弱，現仍望爭升班附加賽席位，打和冇用，博鬥攻開「大」；至於周日兩場大戰，「入球大」成超冷門，但有賠率何妨小注一博，頭場曼聯冇里奧及出古斯錫未必穩陣，尾場車仔出古廸仙尼或紮住上陣的施治，亦難阻遇強越強的阿仙奴爭取贏波，免被曼聯進一步拋離，下盤穩開，但2.3倍入球「大」仲筍，又唔使拎二百元博讓球盤下盤咁重皮。
近5場往績：輸輸贏輸贏
蘋果波神
英超波癡有一個心願，5月話你知！