由細到大，我都好鍾意ToyotaCrown呢款豪華房車，唔知係咪因為以前成日搭到「大皇冠」的士吖，定還是鍾意佢嗰個斯文成熟嘅外觀。亦因為咁，Crown就成為咗我嘅DreamCar，只可惜新車售價高昂，故一直得個恨字。
直到去年年中，自己本身揸開嘅Corolla年事已高，係時候考慮換車，就喺機緣巧合下，碰到一部03年款嘅CrownRoyalSaloon。雖然一直想搵嘅係97年款，但見到佢嗰一剎那，已經心動，所以數天後便落實購買。取車當日仲特別同班朋友走去慶祝㖭！縱使席間有朋友笑佢係的士，但我毫不介意，因為每個人揀車都有唔同嘅準則。有人重外觀，有人重性能，只要自己鍾意就得啦，係咪？不過，我最開心嘅係朋友群中有一位都買咗Crown做佢嘅座駕，而且仲係我一直想搵嘅97年款㖭，難得有個志同道合嘅朋友喎，開心到震啦，係咪？
記者：丹尼斯