AC國米羅馬齊跣捧場客
燕豪芬穩奪今屆荷甲冠軍
曼聯勒住贏，周日要打沉利記
紅鑽炒教練，都止唔到瀉
格流些路廸近期唔識贏
最新動態
禮拜四凌晨連場大戰，好多人最後嘅視線都選擇留喺4:4嗰場所謂「經典」嘅倫敦打吡大戰，車仔如小弟賽前所料贏唔到熱刺（最後廿秒幾乎輸埋）；若然佢哋周日迎戰另一倫敦大會阿仙奴時再失分，繼上屆後，料再一次緣盡今屆超聯錦標。
仲記得首循環阿仙奴迎戰車仔時，小弟有幸置身阿聯酋球場內，目睹加拿斯為主隊頭槌奠勝，而當時整場比賽佔優嘅主隊贏得合理；周日兵工廠作客車仔，好多人睇好當時缺杜奧巴及泰利嘅車仔，今次可以雪恥，但睇過佢哋剛戰對熱刺嘅表現，我仍然維持車仔會失落聯賽冠軍嘅想法。
講波佬話「車熱」戰真經典，純粹從比數上勉強可以有咁嘅說法，但球證萊利執法水準垃圾，活基治及貝碧托夫頭槌破網俱有犯規之嫌，同艾殊利高爾想收侯頓檔不遂未有被逐；領隊格蘭調兵遣將繼續令人搖頭，怕輸調入阿歷士洛里高打3中堅後，換走全場最勁嘅祖高爾，過幾分鐘即失波。
唉！英超有時好睇在夠亂，阿仙奴周日好彩將會碰到嘅唔係摩連奴教嘅車仔！
文：蘋果波神
英超波癡有一個心願，5月話你知！
http://hk.myblog.yahoo.com/appleballmen/