〈早飛王〉連輸3口，呢排俾同事作為取笑對象，好彩西甲波中到嘭嘭聲，總算令畢傑可以將頭抬高少少。我英超唔係唔掂，手風嘅嘢順開就有，周六要爭歐聯資格嘅愛華頓，迎戰大踢風流波嘅韋斯咸，主W開得！畢傑
上周將一切賽前有利條件歸納，推介保頓下盤，點知千算萬算都唔夠個球證玩，韋根嘅米高布朗白界前用手擋波唔吹12碼，整定我冇運行。今期揀愛華頓，靠晒你喇！
默西塞德區基本上係韋斯咸嘅「墳場」，數自英超聯喺92/93球季計起，呢班「鎚仔幫」作客愛華頓同利物浦加加埋埋，25場聯賽只係得2勝5和18負，輸波率高達72%，反映多數「葬身」於此。數據講完，「拖肥糖」上場輸畀富咸，我先幫佢哋辯護一吓。第一，之前啱啱喺歐協盃對費倫天拿踢足120分鐘，大家可以睇到對富咸嘅下半場，佢哋真係後勁不繼冇晒力。第二，安祖莊臣早段傷出，搞到雙箭頭轉番打單箭頭，攻力弱咗加埋冇力，所以失波後追唔番。
安祖莊臣傷癒隨時搏殺
之但係，愛華頓家陣已唞足成個禮拜，聽講隊醫都話安祖莊臣已經傷癒，周六隨時可上陣搏殺，卡希爾又復操。愛華頓（5位）已落後第4嘅利物浦3分，歐協盃又出咗局，仲唔趁紅軍要分心歐聯力追前4咩？淨係嗰份爭勝心經已贏晒。
仲有，今場最重要個point係韋斯咸真係唔上唔落，爭下屆歐協盃有難度，因距離第6嘅樸茨茅夫有成7分，仲要過埋阿士東維拉嗰關；至於降班又有排未輪到佢哋，暫時領先尾3嘅保頓18分，可以話兩頭唔到岸，似足風流波。
韋斯咸早前連輸3場0:4，上場突然反底贏布力般，只係贏宿命，查實佢哋之前已連續8次主場擊敗對手，屬布力般剋星而已，今次神仙難救。
早飛王貼士
星期六47愛華頓vs韋斯咸
首選：愛華頓勝（1.67）
次選：愛華頓[半勝]（2.2）
冷選：愛華頓勝4:0（40）
《周末早飛超級重心》
信熱刺唔要「茅」
星期六2
熱刺vs樸茨茅夫2:1（7.5倍）
熱刺剛於周三與車路士激戰，結果開個4:4波膽，體力無疑是較對手輸蝕，惟勝在入球能力強，今周續缺加里夫巴利及伊高圖。樸茨茅夫周六有中場靈魂蒙達利坐波監，戰力稍減，派密斯及柏馬洛特則續因傷缺陣。一於信熱刺開W，另可再補1.75倍入球「大」。
新特蘭「夫添」博「客勝」
星期六19
阿士東維拉vs新特蘭1:1（7倍）
阿士東維拉近3場不勝，前線入球能力稍降，對上兩個入球均是靠12碼建功及對手擺烏龍，今周又有中堅美爾保停賽，有失分危機。新特蘭作客戰績甚差，15戰3和12負，但有望憑「夫添」出擊，加上維拉攻力稍降有機搶分成功，取[+1]的2.5倍「客勝」。
敲布力般「細」除「根」
星期六20
布力般流浪vs韋根1:0（5.5倍）
布力般流浪上場難敵宿命，結果連續9次到訪韋斯咸俱敗北，今重返主場有望擊退韋根。主隊目前僅餘彼德一員傷兵，守將賴恩尼爾遜亦已復操。韋根有賓特傷癒，但如球會上訴失敗，古馬斯將要停賽。鑑於韋根連續4場保持0失球，取主隊開個1:0「細」膽。