「雞寶」剛宣佈09 至 10球季起直播歐聯同歐協盃，直播場次比𠵱家多，絕對係球迷之福，不過「雞寶」如果想用歐聯留客，甚至吸引新客，小弟就有點擔心。
歐聯有別於常規聯賽，唔係個個星期有波打外，更有十二月至二月的真空期，而且歐聯係星期三、四凌晨比賽，一般打工人第二朝要返工，未必個個咁有神心睇通宵。
相反星期六、日先係睇波高峯；「雞寶」冇咗英超，靠三大聯賽，往往出現「直播斷層」，好似星期六播完十一點場德甲，如果冇意甲早場，要到三點先再有番西甲直播。小弟認為，荷甲、蘇超直播時間填補到空白期，「雞寶」可諗計搶埋呢幾個聯賽。
講起歐聯，愛華頓要爭來季資格，上次輸畀富咸全因歐協後遺症，今次可挫「槌仔幫」韋斯咸，主W捧得過。
主客和：愛華頓勝
心得：愛華頓唔會連失兩次
近5場往績：輸輸贏輸贏
牽牛
施丹退休，頓感失落，期待阿仙奴的法比加斯他朝有此神乎奇技。