果然有錢使得鬼推磨，亞視女藝員吳亭欣年前拍攝一場強姦戲時，曾哭訴遭拍檔海俊傑性騷擾，令她精神崩潰，日前她拍攝新劇《今日法庭》單元故事《少年𠝹刀色魔》時竟再遇被姦場面，她表示望拍過此劇公司會加薪獎賞。
吳亭欣和黃嘉威日前在石硤尾一單位中，拍攝亞視劇集《今日法庭》的單元故事《少年𠝹刀色魔》，講述吳亭欣和黃嘉威是一對過氣戀人，一日男方上女方香閨，以𠝹刀威脅她復合，最後更將她強姦，但因電視尺度所限，二人和衣上床，身穿白色連身裙的吳亭欣做足打底措施，彼此身體亦離行離列，非常「就住」。
個樣似俾人蝦
拍攝當日，黃嘉威手持道具𠝹刀要脅坐於碌架床上的吳亭欣就範時，在場工作人員即出力搖床，加強人造效果。
吳亭欣前年拍攝亞視劇集《義無反顧》一場強姦戲後，曾聲淚俱下哭訴被對手海俊傑性騷擾，指他假戲真做，令她一度精神崩潰，沒想到她精神康復後又拍被姦戲。
打底褲打孖上
吳亭欣說：「我答應拍是希望公司會加人工。其實我都推公司，大家傾咗好耐，公司話我個樣似俾人蝦，加上知道對手係邊個，所以OK啦，但係希望公司唔好再叫我拍呢啲啦！」
至於黃嘉威則謂自己拍攝時毫沒生理反應，他說：「我着咗兩條褲，拍緊劇時個腦只會諗對白，同埋之前要同個女仔講明點拍，咁對女仔會公平啲，費事發生誤會啦。」
採訪：王連連
攝影：陳順禎
