向來搞笑的歐陽震華（Bobby），前晚以「露點楊貴妃」打扮拍攝無綫劇集《尖子攻略》，驚嚇程度震撼整個錄影廠，不過反串唐玄宗的鄧萃雯面對「楊貴妃」猛拋媚眼，卻顯得無福消受。
歐陽震華、鄧萃雯和許紹雄等前晚拍攝無綫時裝劇《尖子攻略》，劇情講述任職補習教師的雯女，希望用一套有趣的教學方法教中史，不知不覺間跟學生一起進入幻想世界。為了加強搞笑效果，雯女反串做唐玄宗，Bobby則反串飾演楊貴妃，其他宮女和太監則由梁烈唯、梁証嘉、袁偉豪、羅仲謙和許紹雄扮演。
傳出尖叫
雖然一眾「宮女」的色相已教人慘不忍睹，但均不及Bobby的「露點楊貴妃」，甫出場便震撼整個錄影廠，現場又不時傳出笑聲和尖叫聲，簡直令人噴飯。
大合照期間，驚嚇版楊貴妃Bobby穿上一身肚兜裝，不時向皇上雯女拋媚眼，又擺出「誘人」甫士，既露點又獻吻，搞到皇上手足無措。事後Bobby說：「以前我都試過反串扮肥姐，不過效果當然比唔上羅君左同盧海鵬。」
無意植髮
雯女則一副無福消受的模樣，問她喜歡那個「宮女」？她笑說：「叫我揀邊個？問埋啲咁難答嘅問題㗎，佢哋實在太主動喇，我都係鍾意含蓄啲，但聽講唐玄宗唔花心，所以都係揀楊貴妃。」另外，早前有報道指Bobby有意仿效夏雨植髮，Bobby昨日在拜神儀式中說：「其實一直都有人搵過我，不過我已經習慣咗，所以𠵱家對植髮或者織髮嘅興趣唔係咁大。」
採訪、攝影：何慧斯
