要數日本手造皮革王，一定是來自埼玉縣Redmoon，件件都堅持用人手造，品牌短短15年，經已吸引一批忠實擁躉。部份貨量少的款式，賣斷後就沒有再推出，想搵番都難。是Redmoon念舊，還是受到Fans的真情打動？最近破例重新推出當年的多款復刻版，Redmoon迷當然開心，但最慶幸的一定係香港的Fans，因為今次Redmoon團隊特登來香港，推出香港專屬的香港版，在皮包的間隔上改動了，配合香港人用銀包的使用習慣。曾經來港多次的Redmoon主腦人後藤惠一郎說，復刻版本始終是最受人喜歡，而且堅持今次的復刻版並不只是舊物重現，他說：「就係經典先多人鍾意，好嘢當然值得重新推出，不過我哋都會加入新元素，例如今次推出香港版的間隔設計，復刻之餘又有改良，咁先係真正值得復刻的意義。」今次復刻的版本，後藤先生說日本都未必會有，香港Fans認真有福了！
Take5（23758262）
尖沙嘴加連威老道41號A1/FB&C室
