香港潮州幫人多勢眾，而且有財有勢，所以潮屬社團總會舉行第四屆會董就職禮，好多官商猛人畀面捧場，潮州幫代表人物、首富李超人當然係地位高人一等貴賓，不過佢貴人事忙，八方見佢匆匆來匆匆去，入場後只係影咗張大合照就快閃。
𠵱家城中好多人關心二少小小超新戀情，究竟二少同伊莎貝拉關係點呢？呢段關係，會唔會得到家長祝福呢？傳聞中有人豪擲億元幫好友贖身，精打細算嘅超人，認為呢個價值唔值呢？呢啲問題，都要搵超人解答，所以佢離場前，有人追問種種問題，又問佢有冇睇過伊莎貝拉啲戲，超人好淡定，冇黑面，只係答咗一個字：「哈！」就揚長而去。