【本報訊】新婚婦指稱遭女密友偕情夫迷姦及騙玩「3P」案，昨在高等法院續審，女密友指迷姦局成事後，情夫指V太太態度「寸」，聲言「我一定會玩死V太太……，跳樓都唔使可憐」，復以迷姦時錄得V太太的呻吟聲片段作餌，部署第二個騙局，還施苦肉計要她受掌摑，圖令V太太目睹受驚而自願上當。
記者：梁瑞珮
黃慧心（33歲）供稱，去年1月13日及14日迷姦局後，她應被告陳俊圖（45歲）要求致電慰問V太太的感受，對方認為可能飲醉酒才發生事故，自己已婚實不應該，與她男朋友（即被告）發生關係更表示歉意，又指自己不可能喜歡被告。被告聽罷，覺得V太太「好寸」。
輯錄性行為呻吟聲
數日後，被告通知她，輯錄了跟V太太發生性行為的呻吟聲，吩咐她扮驚告知V太太，她遂致電V太太，「你發生乜事，點解我會收到好似係你啲呻吟聲喎！阿圖（即被告）send畀我，你究竟同阿圖講過啲乜嘢呀？」V太太反問：「佢想玩啲乜嘢呀？」她將V太太的反應轉述被告，被告聲言：「有啲咁嘅嘢喺手，我一定會玩死V太太！」
被告教她致電V太太說：「如果你想攞番想要啲嘢，就留番一個美好回憶畀佢！」V太太回覆：「好，我就再畀多一次佢！」經商議定於二月再往她寓所。
黃慧心續稱，該晚亦是一個局，事前被告表明至少要跟V太太發生兩次性行為，一次在客廳，一次在睡房，又要她先與V太太進行性行為，接着他才加入。當晚按計劃，V太太臨抵達前，被告大力掌摑她致臉上留有紅印，刻意叫V太太看看紅印，令V太太知道被告會動粗打人。
刻意讓Ｖ太目睹掌摑
接着，她拉V太太進入睡房，展示其下體紋身，然後「𠱁」V太太跟被告浸浴。主控問，展示紋身有何目的？黃說：「想V太太知道唔可以激嬲被告，被告唔係人咁品，激嬲佢都可能有咁嘅遭遇。」
控方續播放當日三人浸浴的偷拍短片，聽到被告粗聲粗氣，又突然聽到「一巴掌」。黃解釋，是刻意讓Ｖ太太目睹她遭被告掌摑及喝罵，屬計劃一部份，目的是「令佢（V太太）好驚囉……！等佢唔好反抗，唔好再話唔得㗎，自動自覺好自然咁同被告發生性行為」。但她補充：「（浴室）嗰一巴，我真係冇意識到佢會打多一巴！」
黃慧心又指，被告曾經叮囑她，「唔使可憐V太太，佢跳樓都唔使可憐，唔關我X事，唔好諗住跳樓想攞番啲相嘞！」案件將於下周二繼續審訊。
案件編號：HCCC246/07
阿心：被迫重演「勾佬」情節
【本報訊】迷姦局後，黃慧心形容被告的性慾「要求好大」，她們往時鐘酒店開房浸浴期間，滿腦子仍充滿「淫念」，男方爭取度期，要求女方跟他重演「勾佬」的一幕一幕情慾細節，女方則為強姦親母及最好朋友而苦惱。
被主控問及被告在迷姦事件後性慾如何，黃形容：「佢要求好大囉，我唔記得係咪每日都有，但之後見面好頻密，總之見親面就有性行為。」另外，被告要她詳細講述跟另兩個男人發生性行為的次數、情節及感受，要她一一重演，讓他代入男角。
「叫我畀機會佢姦媽咪」
控方清場播放一段短片，是黃與被告在時鐘酒店開房浸浴期間所拍，按片中二人的對話，男說：「呢啲嘢如果你自己用腦識諗，你應該盡量安排番一日。」女謂：「我係諗住點樣整阿媽同整V太太嘛。」
黃就此在庭上解釋：「我同媽咪講1月29日上嚟陪我成個禮拜，媽咪喺度，我根本抽唔到時間同被告做番個啲性行為，被告又叫我畀機會佢強姦媽咪同V太太，我淨係諗緊呢兩樣嘢！」
本案審訊期間，公眾席幾乎天天座無虛席，然而昨天卻有一名中年漢帶同一名年約六、七歲的女孩進入法庭，遭主審法官指本法庭絕對不適合小孩，即時勸喻離開。