【本報訊】13歲中二男生蘇子健墮樓身亡，家屬訴說從沒給壓力予子健，又透露子健曾訴苦指參加學校作文比賽時，有老師「對人不對事」，暗示受到不公平對待；又透露子健有轉校念頭。父母與家人昨在子健跳樓現場路祭時哭得呼天搶地，母親大喊：「仔啊仔，你一句說話都冇留低就走咗去……你返學唔開心點解要跳樓？」子健母拜祭後久久不肯離開，須親人攙扶，見者心酸。
子健出事後，其兩兄長昨在弟弟的個人網誌上留言，流露對亡弟的懷念：「人嘅生命真係好短暫……我幾咁希望噚日（前日）所發生嘅所有事只係一場夢……今日我瞓醒啦，細佬仍然會叫我起身返工……返到屋企可以同佢一齊打吓機……我唔會追究我細佬喺學校受到啲咩待遇、甚麼俾同學排斥等等，人已經死咗，追究嚟都冇用。」
「夢見個仔唔理我」
子健叔父謂，前午4時子健放學回家，母親見他不開心曾詢問何事，子健卻悶聲不響入房聽歌，不久母親出外購物，稍後接獲警方通知子健出事。叔父說，子健曾向母親透露在校參加作文比賽時，有老師「對人唔對事」，又因沒做功課被罰留堂而感不快。一名中五男生透露，聽聞子健在校常遭中四年級的同學欺侮，出事前曾在學校被老師責罰，及被中四生譏笑。
子健父母昨午在現場路祭時情緒激動，子健母不斷自言自語，「我噚晚發夢見個仔唔理我，你返學唔開心點解要跳樓？」
子健就讀的粉嶺田家炳中學副校長葉深銘稱，校方對子健去世感難過，對家長控訴學校有老師偏心及轉校事宜，葉說私隱問題不回應，強調要求老師對學生公平及和諧。