梁洛施（Isabella）最近盛傳與李嘉誠次子李澤楷相戀，又有指她與經理人公司英皇鬧翻，要跟公司提前解約。Isabella經理人霍汶希（Mani）昨日接受商台訪問，提到此事時說：「現階段我都唔會作出任何回應，因為我𠵱家講任何嘢，對於大家都唔公平，對Isabella都唔公平。我希望件事可以盡快解決，因為拖得耐會令件事變得更加負面，對Isabella唔係咁公平。」
王晶論反骨
Mani續說：「現階段我只可以話，好希望、亦都好有信心可以同佢繼續合作囉，希望我可以再幫到佢嘅事業更上一層樓。」她又強調與對方感情依舊：「佢12歲我就同佢經歷咗好多嘢，喺過往8年來都有一定嘅感情，藝人同經理人之間最重要就係信任。」
此外，Mani、吳雨和王晶昨日出席會展舉行的「藝人、經理人相對論」研討會，吳雨劈頭就討論「反骨」二字，他說：「近期反骨呢個字眼最敏感。」王晶說：「預咗反骨，如果冇機會就冇資格反骨，反骨係一種能力，要睇當時點承諾，不過你都想佢有能力反骨。我就唔會要求簽咁耐約，好似你哋英皇咁簽10年、15年咩！」
採訪：林妃、胡比
攝影：葉君海