琦琦、楊小娟及羅霖等媽咪級靚太，前晚到四季酒店出席YSL時裝騷。近來流感肆虐，雖然學校已提早放復活節假，但三位靚太仍然高度提防，以防兒女生病，琦琦透露以SARS規格預防，楊小娟盡量杜絕囝囝與其他小朋友接觸，羅霖則一早為三位兒子打了預防針，絕不掉以輕心。
法國名牌YSL前晚在四季酒店舉行時裝騷，吸引不少城中名人赴會，靚太如琦琦、楊小娟及羅霖都盛裝到來，談到近來流感肆虐，雖然學校提早放復活節假令情況得以紓緩，但三位靚太仍十分擔心子女。
避小孩聚會
琦琦的囡囡任晴佳早前發燒，她大表擔心說：「之前囡囡發低燒，成38度，都好驚，佢都叫我畀啲藥佢食，我即刻打畀醫生，𠵱家食咗藥冇乜嘢，不過聽日外公外婆會帶佢去上海玩，我同華仔（丈夫任達華）會喺北京過去會合，唔會留喺香港太耐，𠵱家返到屋企好似SARS咁預防，因為好多時小朋友唔識表達。」
楊小娟也表示為了避流感，大花心神，她說：「之前阿呂（丈夫呂良偉）帶咗囝囝上廣西探雪災災民，返香港之後即刻唔畀囝囝出街，冇得同其他小朋友玩。嚟緊可能要去甄子丹個小朋友嘅派對，都要確保大家小朋友冇病，先會畀囝囝去，自己就喺屋企日日煲蔗水加茅根。」
澳門不嚴重
羅霖則透露一早已為流感作好準備，她說：「年年都有流感，一家人都會打晒針，加上早睡早起身體咪好啲。」何家華表示流感情況在澳門不太嚴重，她說：「不過自己都建議唔返學，個細仔都冇返學，大女就仲有返，大家已經打咗流感針同盡量少出街。」
採訪：LawWaiMan 攝影：RickyChan
