下月1號係張國榮嘅死忌，為咗紀念哥哥，陳淑芬（圖）特別揀咗呢日喺紅館舉行一場演唱會，不過因為反應太熱烈，好多fans同圈中朋友都訂唔到飛，所以陳太申請加多一場，陳太話：「𠵱家會喺3月31日加開一場，因為之後冇檔期，之前就有期，兩場嘅表演嘉賓都係原班人馬，呢兩場演唱會希望籌得七位數字，扣除一切開支，全數會撥捐畀慈善機構！」