問世間情是何物，網友「深抽到天明」問：「鍾意一個大自己五年以上嘅女仔有冇問題……楊過都係差唔多啫。」問題是，金庸筆下的《神鵰俠侶》寫得如此淒美，「深抽」這樣比較，難怪惹來網友「你唔係楊過」、「小龍女當你神鵰咋」的回應。
「就算差唔多年紀都未必襯，當年有個男同事30幾，佢老婆大佢一年，青梅竹馬嗰隻，啲紋多到，響公司annualdinner，我仲以為佢帶老母出席。」「其實今日唔介意，又唔代表將來唔介意。」「除非你自己思想上成熟咗10年，否則好難無問題發生。」
支持者說：「你哋頂到人哋嘅閒言閒語就得」、「佢識打扮吓而你又打扮老誠啲話，都唔會好覺眼」、「無問題，佢嘅心理壓力會大過你」。
「夜遊人」提醒「深抽」：「當你仲係盛年時三、四字，佢已四、五字，會唔會對佢生厭？而且又怕唔怕帶出街被人笑？二、三字係無問題，因為大家仲後生，女性係呢個年歲仲係好正㖭。」
http://forum2.hkgolden.com/view.asp?message=1154697
《蘋果》網聞請你報料！大家無論在網上網外發現任何騎呢搞笑的事情，
都歡迎提供照片或短片資料。一經採用可獲酬100元
請附姓名、電話及電郵地址，電郵到：mailto:[email protected]