淫照風暴女主角之一的鍾欣桐（阿嬌）純情形象破產後，暫已退下火線，叠埋心水與緋聞男友麥浚龍（Juno）拍拖，近日Juno更密集更新網誌晒甜蜜，但受拍檔牽連至屢次在公開活動上獨撐大局的蔡卓妍（阿Sa），昨日終於火山爆發，抱怨Juno寫blog惹人遐想，令她每次都要回應，答得身心俱疲。
鍾欣桐因淫照風暴被迫「人間蒸發」，日前有消息指她曾與蔡卓妍到泰國拜會白龍王問津，之後她才會合緋聞男友麥浚龍到泰國一個小島度假，據悉二人前晚已返抵香港。其實阿嬌和Juno由傳緋聞之初至被揭出埠旅行，都可從男方經常更新的網誌上露端倪，難怪阿Sa昨提Juno寫blog已沉不住氣，對他頗具微言。
「請Juno幫幫忙」
阿Sa和容祖兒昨日到會展出席「香港音樂滙展2008」開幕典禮，前者再成追訪目標，被問到是否與阿嬌見白龍王時，阿Sa沒好氣說：「最近好多新聞，一單接一單，唔想再回應啦。」
至於阿嬌現時是否在港，阿Sa說：「喺香港，佢未出發進修，我每日都keep住同阿嬌聯絡。我每次出嚟都係答呢啲問題，答到身心好疲倦，希望大家唔好咁多揣測、咁多新聞。」
由於Juno早前在網誌上自爆去小島旅行，暗示了阿嬌的行蹤，問阿Sa與Juno是否算是朋友？她終忍不住說：「大家都識，但我好想Juno幫我一個忙，寫blog可唔可以詳細少少？等大家明白，唔使引嚟外間咁多揣測，大家揣測又要我回應，真係好攰！」有報道指白龍王示意阿嬌收山，阿Sa將單飛出碟，她則重申會與阿嬌共同進退：「音樂上嘅工作，阿嬌會休息再做，張碟錄咗差唔多一半，大家放心，佢唔會長休。」
祖兒美國有艷遇
此外，剛從美國習舞返港的祖兒自稱有艷遇，睇騷時遇上一名大隻韓國仔，她說：「佢有約我飲嘢，佢對眼好似阿Rain，但我冇赴約，因為今次去美國係學嘢，冇諗過拍拖，佢好大隻，身形冇得頂，但唔過電。」
採訪：胡比 攝影：陳偉權
