繼前副總統戈爾的《絕望真相》後，美國又多一位名人投入用影像講環保行列，講緊嘅係萬人迷里安納度狄卡比奧。Leo搞環保，絕對唔似本地明星仔拎支咪背兩句稿咁簡單，原來LeonardoDiCaprio基金會早於10年前成立，致力關注環保問題，在日常生活上，Leo亦身體力行做環保先鋒，6年前晨早轉用環保型混合車，其洛杉磯大宅更用上大量太陽能板建造。最近搞作，是親自監製及旁述環保紀錄電影《第11小時》，探討地球生態危機。製作隊伍走訪逾70位名人、專家及學者，包括前蘇聯首相戈巴卓夫、科學家霍金、前中情局局長R.JamesWoolsey等，剪接成約90分鐘珍貴訪問片段，全方位講解人類同大自然的關係，以及分析人類絕種的可能性，「在這個人類歷史的關鍵時刻，補救工業革命所造成的環境損害，是我們這一代的使命，我們的行動需要大家聯手合力，來造福未來世世代代的人。譬如說，作為市民、領袖、消費者和選民，我們可以建議政府加強生態環保政策。」里安納度解釋。電影去年成為康城影展參展電影之一，本月底正式在香港同大家見面，據聞里安納度仲會現身香港，同本地機構合作推出環保相關計劃。
記者：劉嘉蕙
上映日期：3月27日
圖片提供：WarnerBrosPicturesInternational