費蘭度托利斯生日快樂，祝你周日馬到功成
些路廸呢排輸懵人
賓科士打或借去班士利打足總盃，嘩，正！
侯城穩步上揚，加入英冠升班戰亂局
飛腳靠亞冠盃反底
最新動態
近期不少球星因不滿被換出而作出過激行為，最為肉赤相信係返回後備席上掟外套嘅熱刺隊長羅比堅尼，竟被罰兩個星期周薪（接近二百萬港元），同事話等於冇咗一架法拉利，姑勿論對呢班身家豐厚嘅球星們，罰款只是九牛一毛，但我認為過嚴。
無論有幾好波，立過多少汗馬功勞，球星犯錯亦應一視同仁；不過從鏡頭所見，羅比堅尼只是返回座位後作自我發洩，並無當面挑釁領隊；與上季埃及中場賀森加利（已被踢走，轉會打比郡），當着前領隊祖爾面前掟衫不可相提並論。熱刺去到季尾已漫無目的，輸畀曼城而隊長還有此番舉動，我認為羅比堅尼嘅鬥心值得尊重，難怪有能耐在各大球會打滾，包括意大利國米，威力不減。
反觀，紐記馬田斯被換出想哭想發難，基瑾還不斷安慰；後者自身難保，還扮好人息事寧人。馬田斯今季只有6個聯賽入球，近8場食白果；自己唔爭氣，哭也是徒然，只能挺起胸膛，離場接受失敗。
文：蘋果波神
英超波癡有一個心願，5月話你知！
http://hk.myblog.yahoo.com/appleballmen/