下周二是梁詠琪（GiGi）32歲生日，日前她包了一個燒烤場，與百多名歌迷提早慶祝生日，不過參加生日會的fans要遵守一項規則，就是嚴禁送禮物給她。
GiGi說：「我都大個女啦，唔需要再玩公仔啦，我叫今日所有嚟嘅fans每人至少要捐100蚊畀宣明會，或者要佢哋助養小朋友，之後佢哋交出張收據先可以入場，我覺得呢份禮物仲有意義。」GiGi點算收據時，發現至少五名fans助養小朋友，令她開心不已。
GiGi今年的生日願望是世界和平，至於感情方面，她說：「拍拖過浪漫生日又唔係未試過，況且我𠵱家都冇時間拍拖，總之順其自然啦，自己又唔心急。」
採訪：李珮洳
攝影：葉君海