車淑梅噚日出席佢代言嘅護膚品記者會，佢仲請咗一班朋友撐場，有黃百鳴同黎小田等，淑梅姐原本出席唔到記招，因為佢媽媽噚日突然有病入咗深切治療部，佢噚日朝早都有去醫院探媽媽，淑梅姐話：「係我媽媽叫我一定要嚟，應承咗人哋嘅嘢就要做，佢咁好人，希望佢會冇事。」淑梅姐講嘅時候都忍唔住眼泛淚光。