紐記止跌搶1分，咪咁快講下季組軍
衰波拜仁又出場，我唔會睇唔會買
兩收費台鬥播意甲波，難搶曼聯車仔收視
亨利自嘲，喺巴塞踢翼鋒入13球唔錯喎
班士利門將史廸利仲踢緊西布朗？足智彩資料庫不濟
最新動態
英超BigFour積分緊咬，還即將互撼，我最看淡車仔奪標機會。
今屆英超出現斷層，憂心降班的下游球隊增多，戰意反增，強隊易失手，阿仙奴喺爛場和韋根是最好例證。最重要四強俱要兼顧歐聯戰線，禍福難料。
曼聯其實喺歐聯抽籤不利，殺入決賽前，要先後作客意大利同西班牙（若對巴塞的話），耗力會相當巨大，還有過份倚賴C朗；好多人睇淡氣勢漸失的阿仙奴，但今季每次去到危難俱能保持不敗，殺敗AC已令大部份人跌眼鏡，班波擅攻遇強越強，且看周日作客車仔能否放開懷抱。我亦從來不敢看輕利記賓帥，周日若打敗放頭的曼聯，將令今屆英超推向高點。
至於兵源最足的車仔喺新領隊格蘭領導下，連失國內兩盃，我除咗懷疑這位過渡人物嘅領導能力外，主將又有離心，林柏特前途未卜，杜奧巴已非摩帥時代鬥心強橫的銳利箭頭，還要接受輪換制，若冇鋼門施治，小心喺打吡戰被熱刺撲熄爭標雄心。
文：蘋果波神
英超波癡有一個心願，5月話你知！
http://hk.myblog.yahoo.com/appleballmen/