人人說，大肚婆的口味會有好大轉變。好似有朋友在懷孕期間恨食叉燒飯，我奶奶以前陀老公時就只想食亁炒牛河。而我，到了現在5個月，倒沒甚麼特別！不過，開頭的3、4個月胃口極差，對着各樣美食都提不起勁，偶爾會想吃酸辣食物。但肚餓時，腦裏無時無刻想着的是：漢堡包。只有吃罷漢堡包，我才有開心滿足感覺。如配上薯條，就更perfect！
不過，老公話漢堡包有反式脂肪，禁止我掂，反而逼我食其他有益食物。所以，好多時惟有放工偷偷吃一個先返屋企。其實，我自覺算好乖，除了偶然偷食薯片，最愛的甜品朱古力汽水都盡量戒食，怕有妊娠糖尿，搞到面腫腳腫。醫生還跟我說連粉麵飯也要適可而止，因為一樣含糖份。有大肚婆懷孕後變了飯桶，餐餐幾碗飯落肚，成為妊娠糖尿高危者。
個人資料
大肚Polei：
結婚年幾，從前唔恨亦唔想生仔。因為怕痛怕煩怕地球好快會末日。突然身邊幾個朋友玩大肚，於是心血來潮好想做媽咪。