點解PS3遊戲會突然時光倒流，變番做一隻七十年代黑白Game？唔怕話你知，若然呢款遊戲變咗做彩色版，反而玩到你頭痕！《無限回廊》應用3D立體圖形構造，咪睇小佢Design咁簡單，人物和背景好求其勾幾條線就算，其實遊戲係考你對錯體嘅感覺。舉個例，當你睇見前面有個窿，通常覺得如果仲行埋去就肯定會跌死；但係，如果你將遊戲畫面稍為扭一扭轉，令畫面角度睇唔出有個窿嘅話，人物就可以輕鬆行到對面唔使跌死，呢樣就係遊戲想表達嘅特色！
仲唔明白遊戲係點玩？唔緊要，SCEH已準備咗試玩版畀大家單撈操一操Fit，到3月正式發售時，各位就可以真正實驗《無限回廊》嗰種全新口味嘅玩法。對於一味講打講殺嘅暴力Game來講，的確別具賣點！
推出日期：3月
售價：待定