李婉華（左）同個女（左二）、黎瑞恩（右）一對仔女前晚外遊返港，佢哋應該喺加拿大返嚟，黎瑞恩出閘見到記者就細聲講咗句：「哎呀，瀨嘢呀。」此時佢兩個工人好醒目，叫小朋友自己遮面。一行人行到去𨋢口想去坐車，入晒𨋢後李婉華先發現個女未入𨋢，嚇到佢即刻開番𨋢門，佢個女就衝入去，婉華抱起個女大笑，真係失魂媽媽！