無綫籌款節目《博愛歡樂傳萬家》前晚在將軍澳電視廣播城舉行，鄭希怡（Yumiko）、黃長興、陳爽及袁偉豪表演水上拉丁舞，四人全身盡濕，Yumiko擘腿勁舞，姿態撩人，共籌得40萬元善款，不枉他們一番苦練。
無綫一年一度的《博愛歡樂傳萬家》由張可頤及陸詩韻擔任司儀，兩人的性感晚裝搶去不少風頭，表演嘉賓之一的劉美君載歌載舞，加插瑜伽舞姿，不過相比之下，也不及Yumiko、黃長興、陳爽及袁偉豪的「水上拉丁顯風情」環節精采。
「着兩條打底褲」
眾人在水上大跳拉丁舞，全身盡濕，加上Yumiko與陳爽一身性感舞衣，其中身穿火紅色舞衣的Yumiko有不少擘腿姿勢，舞姿誘惑；陳爽更整個人坐在水中，場面惹火香艷。
Yumiko於表演後說：「我喺綵排時候試過失手，成個人跌咗落水，好在正式演出時冇失手，如果唔係惟有扮係舞步之一。為咗呢次演出，我苦練咗五個鐘，我對自己嘅表現都好滿意。」
以前Yumiko演出大型節目，必有些令人意想不到的意外，如甩衫和甩褲，今次卻幸保不失，她笑說：「我做足安全措施，着咗兩條打底褲，好嚴謹咁試過晒，我身上仲黐滿膠紙，不過當濕身之後，啲膠紙有啲鬆鬆哋，而且喺擘髀轉圈時，我已經盡量側身對住個鏡頭，今次順利演出好開心，而且又籌到40萬善款。」
陳爽跳到跌落水
此外，陳爽整個人跌入水中，她說：「好在唔係好凍，今次係我第一次跳拉丁舞，以前我都有跳過中國舞，為咗呢次演出，我排咗兩堂，對於今次演出幾滿意，不過都有啲驚。件舞衣好安全，好貼身，我一早已經打定底，唔會濕水變透視。」
採訪：卓寶花
攝影：陳慧安